Nos ta bibando den tempunan no usual. Den tempunan kaminda higiena pèrsonal ta di sumo importansia. For di komienso di aña nos ta vigilando e desaroyonan ku wowo di falki, pa asina por aktua instantaniamente si akaso esaki ta nesesario. P’esei ta na su lugá pa informá’bo tur e medidanan ku nos a tuma, pa garantisá práktika di distansia sosial.
Entrega di bolo
Entrega di bolo na bo lokalidat preferí lo kana otro for di e manera kunstumbrá. Lástimamente nos no por duna’bo un man òf brasa. E no ta ‘gezellig’, pero ‘safe’ si. Nos kier pidi’bo pa por ‘duna nos 2’ durante nos bishita i sòru pa e mesa di bolo òf kaminda e bolo mester bai enkuestion ta kla i tin sufisiente lugá pa por praktiká distansia sosial. Si bo mester kompletá e pago, nos ta sugerí bo pone e sèn riba un mesa, unda ei nos lo kolekt’é.
Kurso i workshopnan
E kantidat di kursistanan lo wòrdu ahustá na un máksimo di 4 pa klas. Di e manera akí nos por garantisá un ambiente ‘safe’ pa un i tur. Banda di esei nos lo verifiká ku’bo, ku bo no tin niun keho di salú. Nos ke sugerí’bo pa bini ku bo propio ‘hand sanitizer’, pa asina desinfektá bo man regularmente.